Anggota :
1.
Muhammad Safi’i sebagai Fi’i
2.
Haidir sebagai Ustadz H.
Haidir.
3.
Muhammad Arifin sebagai Ipin
4.
Rahmi sebagai Narator
5.
Fatmawati sebagai Acil Wati
6.
Mia Rizky sebagai Siti
7.
Rikka Thalia R sebagai
Acil Ina
8.
Rujaida sebagai
Hj Jalina
9.
Noor Zaitun sebagai Mak Itun
Sabar Gasan Sadar
Di kampung Sungai Balum, ada seorang janda
miskin nang baisi anak liwar macalnya, ngarannya si Fi’i. Fi’i di tinggal akan
Abahnya sudah 2 tahunan, samukur di tinggal Abahnya, gawiannya maulah katuju
mamanya sakit hati. Pas malam jum’at, samalaman inya kada babulikan ka rumah
sampai subuh.
Fi’i :”Tok... tok... tok.” (mangatuk
lawang). “ Ma... uy.. Ma.. !!, bukai lawang? ”. (sambil manggandang lawang
gancang banar).
Mak Itun :“Uma si Fi’i ai, hanyar ha ikam bulik?.”
Fi’i :“Mauk nah !!, aku mangantuk, mambukai lawang lambat
banar?.”
Mak Itun :“Astaghfirullahal’adzim... Fi’i Fi’i.”
Si Fi’i masuk ka
kamar langsung barabah, Mak Itun ka padu handak manjarang banyu.Tuntung
manjarang banyu, Mak Itun langsung ka rumah Hj Jaliha, handak maambil tapsan
salajur mambarasihi akan rumah sidin. Hj Jaliha ngini bininya Ustadz H. Haidir,
baisi nang bungas banar, ngarannya
Siti.
Mak Itun :“Assalamu’alaikum... Hj Jaliha?.”
Siti
:“Wa’alaikum salam, ngapa cil?. Hadang ulun mangiau akan mama,
masuk dulu pian.”
“Ma... Acil Itun
mancari?.“
(Mamanya Siti
mandatangi, limbah ngitu, Mak Itun maambil sasapu ka padu, sambil mambarasihi
lantai. Mak Itun lwawan Hj Jalina bapandiran di ruang tamu.
Hj Jalina :“Kaya
ngapa wahin si Fi’i?.“
Mak Itun :“Kaya
ngitu pang sudah, kadada ubah-ubahnya.”
Hj jalina :“Balum
mandapat hidayah Tuhan kalo inya, bawa basabar haja gen dulu
pian.”
Mak Itun :“Inggih
Hj Jalina ai.”
Di rumah si Fi’i
maamuk kalaparan handak makan, Acil Wati nang di higa rumah mandangar Fi’i
amuk, Acil Wati mandatangi Fi’i handak managur.
Acil wati :”Fi’i... kanapa ikam pina dahui-dahui?.“
Fi’i :“Aku
handak makan Cil ai, si mama kadada di rumah.”
Acil Wati :“Mama ikam bagawi di rumah Ustadz H. Haidir, mancari akan gasan
ikam pang handak
makan.“
Fi’i :“Kanapa
sampian jadi manuduhi ulun kaya ngitu?,
mama ulun kada!!.“
Acil wati :“Astagfirullah... Fi’i ai, di tuduhi manyarik-nyarik.“
Malihat mamanya
kadada di rumah, si Fi’i bajalan ka warung Acil Ina, saat di jalan tatamu lawan
si Ipin.
Ipin :“
Eh Fi’i, handak kamana?.“
Fi’i :“Aku
handak ka warung nah, umpatkah ikam?.“
Ipin :“Ayuha
barang nah, kita mawarung haja nah ka
warung Acil Ina.“
Fi’i :“Lakasi
nah, jangan lambat.“
Fi’i lawan ipin
bajalan baimbai ka warung acil Ina, Sasampainya diwarung.
Ipin :“(!!!).“
Acil Ina :“ Ngapang Pin, pina bingung dintu?.“
Ipin :“Teh
2 buah Cil ai.“
Fi’i :“Ai,,,,
teh haja kah?, aku lapar, handak makan.“
Ipin :“Amun
kam handak makan, bayar saurangan, aku mambayari teh haja.“
Fi’i :“Uma,,,,
Ipin ai lawarnya, sakali-kali ah wan kawan.”
Ipin :“Aku
lagi kadada jua kawan ai.“
Acil Ina :“Ngapa kah buhannya ngeni di pandir akan?.“
Fi’i :“Bahutang
kawa kah Cil, ulun handak makan.“
Acil Ina :“Aur bahutang ha tarus, pabila bayarnya?.“
Fi’i :“Ipin
Cil ai mambayari akan.“
Ipin :“Bahapal,
coba ikam bayari saurangan.“
Acil Ina :“Tahu Fi’i nginih?, bantui
situ mama ikam mencari, kasihan sidin!.“
Fi’i :“Kada jadi aku makan nah, di mana-mana
aur di sariki ha tarus!.“
Fi’i kada mahirani
lagi, inya langsung bulik ka rumah.
Mak Itun :“Umay lah nak, ngapa pina baancap-ancap?.“
Fi’i
:“Sampian kadada di rumah, ulun handak makan!.“
Mak Itun:“Ai, maka sudah ku sadia akan
makanan di bawahtatudung.“
Fi’i
:“Aur timpi ha tarus lawan tahu, ulun muyak!, sini duit nah, ulun handak
makan di warung haja.“
Mak Itun :“Fi’i ai, aku duit kadada
lagi nah.“ (sambil menangis).
Fi’i :“Pokonya harus ada duitnya ma ai, ulun kada
handak makan pakai timpi
lawan tahu tarus, dulak Ma ai, tahu kada!.“
Mak Itun:“Yaa Allah, kanapa ikam jadi
kaya ngeni Fii?, kada paham banar lawan
pandapatan Mama satiap hari ikam
ngini.“
Fi’i :“Ulun dasar kada paham tahu kada Ma,
pokoknya ulun kada handak
makan pakai timpi lawan tahu.“
Mak Itun :“jadi pang,
kayapa lagi ikam nak, mama mancari akan duitnya?, makan
apa yang ada ai.“
Fi’i
:“Kada
tahu ai, kayapakah sito, asal nyaman ha makannya ma ai.“
Mak Itun pun
kaluar rumah karna Mak Itun kada tahan lagi lawan kalakuan anaknya nang karas
kapala banar. Pas Mak Itun bajalan, sidin tapikiran.
“Oh, jaka aku
bakisah lawan Ustadz H. Haidir”
Mak Itun pun
langsung ka rumah Ustadz H. Haidir handak manamui sidin.
Mak Itun:“Assalamu’alaikum,,,
Ustadz?.”
Ustadz :“Wa’alaikum salam, kanapa sampian pina
sadih banar muhanya?.”
Mak Itun:“Ulun
sadih banar mikir akan anak ulun, inya kada mau basyukur lawan apa
nang ada, handak nyamannya haja, bagawi
kada bisa.”
Ustadz :“Astaqfirullah,,, Masya Allah, banyak
basabar ai sampian, bausaha wan
tawakkal, sarah akan sagalanya wan Allah.
Hadangi satumat, ulun
mausaha akan.”
(Mambuka butul nang
baisi banyu sambil mambaca akan do’a ka dalam banyu).
“Nah Cil, mudahan anak sampian mau baubah
kalakuannya.”
Mak Itun:“Alhamdulillah,
tarima kasih banyak, mudahan ai liwat parantara pian
wan do’a pian tadi kawa maubah kalakuananak
ulun.”
Ustadz :“Geh, sama-sama, aamiin.”
Imbah ngitu, Mak
Itun langsung bulik dan mambawa botol nang baisi banyu tadi (nang sudah di do’a
akan Ustadz H.). Pas sudah sampai di rumah, Mak Itun langsung maunjuk banyu tadi
kanu si Fi’i.
Fi’i
:“Banyu ngapa ngini ma?.”
Mak Itun :“Minum ha nak ai, ikam pina kahausan di
lihat.”
Fi’i
:“Pas banar ma ai, tahu banar ulun lagi kahausan.”
Mak Itun :“Mun tuntung minum langsung ha lagi bawa
mandi ka padu, imbah ngitu bawa
sambahyang kah nak ai.”
Fi’i
:“Iyeh ha, ulun gen handak mandi jua, kauyuhan saharianan di luar rumah.”
Limbah kada lawas
babarapa hari, si Fi’i mulai ada parubahan, tapi masih ada sadikit karas
kapalanya. Pas siang hari inya handak ka warung Acil Ina.
Fi’i :“Cil, hutangku barapa?.”
Acil Ina :“Handak
ngapang ikam, manahuri kah?.”
Fi’i :“Handak tahu ai dulu Cil ai.”
Imbah ngitu datang si Siti. Si Fi’i pun
pina tapasona lawan Siti.
Fi’i :“Siti oh Siti?, samukur lawas kada talihat
sasar babungas wahini.”
Siti :“Emmmht, bisa banar pian ngini manggombal.”
Fi’i
:”Uma ai Siti ngini, dasar bujur ikam ngito bungas, ibaratnya ngito
bidadari nang singgah di hati ulun salawasan.”
Siti
:”Bahapal ikam ngini Fi’i ai, banyaknya lagi binian yang bungas-bungas
di kampung sini, kada ulun haja ah.” (sambil
bajalan maninggal akan
warung).
Fi’i
:”Ai, handak kamana ikam Siti?, bagana haja gen mangawani ulun
duduk di sini”
Siti
:”Indah ai ulun duduk wan pian, ulun gen aur di rumah, kalo mama
mancari!.”
Siti bulik ka rumah, gara-gara
mamanya manyuruh. Hanyar si Fi’i, imabah tuntung mawarung, inya bulik jua
karumah. Sasampainya di rumah, inya masuk ka kamar, barabahan di atas tilam
sambil mandangar lagu nang dikatujuinya.
Fi’i
:”Ma?, minta duit, ulun handak nukar ruku, mamusang kapala nah.”
(bakuciak nyaring).
Mak Itun lagi di padu, manjamur
tapasan Fi’i di dadaian. Fi’i bakuciak dalam kamar, imbah ngitu inya kaluar
kamar langsung ka padu manamui mamanya.
Fi’i
:”Ma, kanapa ulun bakuciak kada di hirani?.”
Mak Itun :”Mama kada mandangar nak ai, ikam mamutar musik kanyaringan
pang, cuba di gimiti?.”
Fi’i
:”Iyih, satumat ha mamatii kena, minta duit nah?.”
Mak Itun :”Gasan ngapa pulang, tadi sudah ku julung
kalo, kada mayu kah?.”
Fi’i
:”Imbahnya pang, Ulun handak nkar ruku, sakit kapala nah.”
Mak Itun :”Kanapa taka ruku, jurang nukar obat mun
sakit kapala.”
Fi’i
:”Lain sakit kapalanya Ma ai, capati nah?.”
Mak Itun :”Marmanya
ikam nak, iyiha barang nah, tapi jangan pina manyanyarik
bapandirnya.”
Fi’i
:”iyih ha.”
Pas di kamarian
hari, imbah ngitu si Fi’i bajalan manuju ka warung handak nukar ruku. Di tangah
jalan, si Fi’i malihat Siti tuntung batatukar di warung, F’i mamaraki Siti
handak marawa, tapi Sitinya kada mahirani badahara. Hati Fi’i sangkal banar di
dada, maulah inya mamauk ha, tapi kawa haja inya manahani.
Pas tabarung, Mak
Itun sangkal jua lawan kalakuan si Fi’i, Mak Itun sudah bausaha banar gasan
kabaikan anaknya, tapi si Fi’i nya masih kada baubah kalakuannya nang macal wan
karas kapala. Mak Itun kada pantang manyarah, Mak Itun sakali lagi ka rumah
Ustadz H. Haidir, minta pandapat supaya kawa maubah kalakuan anaknya. Kada
lawas, Mak itun langsung ka rumah Ustadz H.Haidir.
Mak Itun :”Assalamu’alaikum, Ustadz?.”
Ustadz :”Wa’alaikum
salam, handak ngapa sampian, bawa bakisah pang dulu.”
Mak Itun :”kaya ngini Ustadz, anak ulun masih kada mau
baubah kalakuannya,
managis ulun malihat inya ngitu, adakah
pandapat sampian?.”
Ustadz :”Kita
sarah akan haja samuanya wan Allah, ulun usaha akan banar,
melalui ulun kawa maubah kalakuan
anak pian.”
Mak Itun :”Tarima kasih banyak Ustadz, kayapa ulun
mambalas kabaikan
sampian?.”
Ustadz :”Kada
usah gen, tarima kasih ulun ikhlas handak mambantu kasulitan
pian.”
Balangsung dalam 1 bulan lawasnya,
si Fi’i lawan Ustadz H. Haidir di bawai tarus bila ada caramah di kampungnya
lawan jua bajiarah ka guru sakumpul di Martapura. Kada ngitu haja, Ustadz H.
Haidir mambari kanu Fi’i amalan nang bagus gasan inya. Lantaran ngitu, si Fi’i
babagus kalakuannya. Imbah saban sambahyang subuh si Fi’i mangaji Al-Qur’an
lawan Ustadz H. Haidir.
Wahini si Fi’i baubah banar,
kalakuan nang lagi dahulu kada talihat lagi. Mak Itun malihat kaadaan anaknya
wahini, tatangis saurangan haja lagi, saking bahagianya si Fi’i nang kaya
ngitu.
Pas liwat jam12 malam, Si Fi’i
tabangun bakas guring, inya mandangari mamanya nang lagi sambahyang tahajud.
Mak Itun :(Dalam do’anya sambil manangis bahagia).
Imbah mandangari
Do’a mamanya, si Fi’i mamaraki mamanya.
Fi’i
:”Ma, ulun banyak banar badosa wan pian, ulun minta ma’af beribu
maaf, ulun banyak banar
manyakiti hati pian tarus.” (managis mamohon
ampun).
Mak Itun :”kada usah minta maaf, sudah di maaf akan
nak ai, jangan lagi lah nak.”
(sambil mamusuti pundak balakang anaknya).
Fi’i :”Tarima kasih Ma ai, ulun janji kada manyakiti pian lagi salawasan.”
Mak Itun :”Inggih nak ai, banyaki minta ampun lawan
Allah pian nak ai, banyaki
baibadah supaya hati pian barasih.”
TUNTUNG
